Audi A3, Kia Sportage və Lexus NX, Britaniyanın What Car? avtomobil nəşri tərəfindən tərtib edilən illik etibarlılıq reytinqində ilin ən etibarlı avtomobilləri adlandırılıb.
"Audi A3 sedanı – bu, kompakt premium avtomobildir. Onun yüksək keyfiyyətli, düşünülmüş salonu və yaxşı dinamika göstəriciləri sayəsində çox möhkəm hiss olunur. Bununla yanaşı, o, yüksək etibarlılıq reputasiyasına malikdir,” - nəşr vurğulayıb.
Reytinqdə ikinci yeri dizel mühərrikli Kia Sportage krossoveri tutub. Bu avtomobil geniş və praktiki salona, qiymət və keyfiyyətin uğurlu nisbətinə, eləcə də yaxşı idarəetmə xüsusiyyətlərinə malikdir.
Üçüncü yeri isə Lexus NX kompakt krossoveri tutub. Bundan əlavə, ən etibarlı onluğa Lexus CT və RX modelləri də daxildir. RX modeli reytinqdə iki nəsli ilə təmsil olunur.
Siyahıya həmçinin Mercedes-Benz SL, Honda Civic və Mazda CX-5 də daxil edilib – bunlar sahiblərinin heç bir narazılıq ifadə etmədiyi avtomobillər sırasında yer alıb.
N.Təbrizli
www.anews.az
Bizi sosial şəbəkələrdə izləyin !
