DİN sürücüləri şaxtalı hava ilə bağlı ehtiyatlı olmağa çağırıb

Daxili İşlər Nazirliyinin (DİN) Nəqliyyatı İntellektual İdarəetmə Mərkəzi sürücülərə paytaxt yollarında şaxtalı hava şəraiti ilə bağlı ehtiyatlı olmalarını tövsiyə edib.

Müraciətdə bildirilir ki, gecə saatlarında bəzi yollar buz bağlayacaq və sürüşmə ehtimalı artacaq. Sürücülər nəqliyyat vasitələrini sürətlə idarə etməkdən çəkinməli, nasazlıq baş verdikdə avtomobili dərhal yol kənarına çəkməlidirlər.

Bildirilib ki, təhlükəli vəziyyətin yaranacağı bəzi küçə və prospektlərdə sürət həddi endiriləcək. DİN-in Mərkəzi isə yol hərəkəti iştirakçılarını mütəmadi məlumatlandıracaq.