ABŞ səfirliyi: Bu xəbər cəfəngiyatdır

“Konqresin nümayəndə heyəti müntəzəm olaraq Azərbaycana səfərlər edirlər”.

ABŞ Senatı əməkdaşlarının Azərbaycana kəşfiyyat məqsədilə səfər etmələri barədə son zamanlar mediada yayılan iddia xarakterli xəbərlər cəfəngiyatdır.

ANN.Az APA-ya istinadən xəbər verir ki, bu barədə ABŞ-ın Azərbaycandakı səfirliyinin bəyanatında deyilir. 

Bəyanatda bildirilir ki, ABŞ Konqresinin nümayəndə heyəti səfirliyin işçiləri, Azərbaycan rəsmiləri və vətəndaş cəmiyyətinin nümayəndələri ilə görüşmək üçün müntəzəm olaraq Azərbaycana səfərlər edirlər:

“Konqres nümayəndələri ABŞ-ın qanunvericilik orqanına Azərbaycan və regiona dair daha ətraflı məlumat vermək məqsədilə səfərlər edirlər”.

ANN.Az