Qazaxıstanın Qarağanda şəhərində "Fitokimya” Beynəlxalq elmi praktiki mərkəzin 20 illik yubileyinə həsr edilmiş "Fitokimyanın nailiyyətləri və inkişaf perspektivləri” mövzusunda beynəlxalq konfrans keçirilib.
AMEA Botanika İnstitutu Elmi İnformasiya və İnnovasiya şöbəsindən ANS PRESS-ə bildirilib ki, Qazaxıstanın Təhsil və Elm Nazirliyi, Səhiyyə Nazirliyi, Sosial İnkişaf Nazirliyi, QMEA və Qarağanda vilayətinin İcra hakimiyyətinin təşəbbüsü ilə təşkil olunmuş konfransa dövlət nümayəndələrilə yanaşı ABŞ, Çin, Pakistan, Çexiya, Rusiya, Belarusiya, Özbəkistan, Qırğızıstan, Azərbaycan və Qazaxıstanın bir sıra elmi tədqiqat təşkilatlarının 150-dən çox aparıcı alim qatılıb.
Yuxarida adı çəkilən mühüm tədbirin təşkilatçılarının xüsusi dəvəti ilə konfransda AMEA Botanika İnstitutunun baş elmi işçisi, Azərbaycan Rerspublikasının Əməkdar Elm Xadimi, k.ü.d., professor Siracəddin Sərkərov iştirak edib. Konfransda professor S.Sərkərovun "Kiçik malekulalı birləşmələrin xemotaksonomik əhəmiyyəti " adlı məruzəsi çox böyük maraqla qarşılanıb.
Həmçinin, tədbir zamanı S.Sərkərov 80 illik yubileyi münasibətilə təntənəli şəkildə Qazaxıstanın Təhsil və Elm Nazirliyinin "Elminin inkişafında xidmətlərinə görə nişanı” ilə təltif olunub və ona Qazaxıstanın milli geyimi hədiyyə edilib.
www.ann.az
Bizi sosial şəbəkələrdə izləyin !
