Azərbaycan Mərkəzi Bankı (AMB) əsasən lombard fəaliyyəti ilə məşğul olan "Güvənli" şirkətini və onun vəzifəli şəxslərini cərimələyib. Bu barədə AMB-nin rəsmi saytında məlumat verilib.
Təşkilat tərəfindən aparılan tematik yoxlama çərçivəsində cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə qanunvericiliyinin tələblərinin pozulması faktı aşkar edilib. Belə ki, İnzibati Xətalar Məcəlləsinin 598.1.2-ci maddəsinə əsasən, Bakı şəhəri Nəsimi Rayon Məhkəməsinin qərarı ilə şirkət 20 min manat, onun vəzifəli şəxsi isə 2 min manat məbləğində cərimələnib.
www.anews.az
Bizi sosial şəbəkələrdə izləyin !
