Azərbaycan 2024-cü ildə hasil edəcək qazın 50%-i ixrac ediləcək
01.03.2024 21:53
Azərbaycan 2024-cü ildə qaz ixracını 2023-cü illə müqayisədə artırmağı planlaşdırır. Bunu ölkənin energetika naziri Pərviz Şahbazov deyib.
"2024-cü ildə Azərbaycanda qaz hasilatının 48 milyard kubmetrdən çox olması planlaşdırılır ki, bunun da təxminən yarısı ixrac ediləcək", - Şahbazov cümə günü mətbuat konfransında bildirib.
Onun sözlərinə görə, qaz Gürcüstan, Türkiyə və Avropaya ixrac olunacaq.
"Biz bu il qaz ixracını müəyyən artımla planlaşdırırıq”, - nazir əlavə edib.
Əvvəllər bildirilmişdi ki, 2023-cü ildə Azərbaycanda qaz hasilatı təqribən 48,5 milyard kubmetr (2022-ci illə müqayisədə +3,8%), ixrac isə 23,8 milyard kubmetr (+6,9%) təşkil edib.
N.Təbrizli
www.anews.az
Foto 
Video 
