Futbol üzrə Azərbaycan millisinin Kolumbiya ilə yoldaşlıq görüşü baş tutmaya bilər.
Cənubi Amerika təmsilçisinin prioritetləri arasında Canni De Byazinin yetirmələri ilə oynamaq yoxdur.
Doğrudur, yığma hələ də Kolumbiya Futbol Federasiyası üçün alternativ variant olaraq qalır. Ancaq baş məşqçi Nestor Lorenzo Polşa və Serbiya ilə qarşılaşmağı üstün tutur. Cənubi amerikalılar iyunun 12-20-si aralığında məhz bu iki komanda ilə güclərini sınamağı planlaşdırırlar. Əgər Polşa və ya Serbiya ilə razılıq əldə olunmasa, o zaman AFFA ilə danışıqlara başlanılacaq.
Kolumbiya millisi iyunda Avropa turnesinə çıxacağından, yoldaşlıq görüşlərini rəqiblərinin meydanında keçirəcək.
www.anews.az
Bizi sosial şəbəkələrdə izləyin !
