"Qarabağ" finala vəsiqə qazanıb

Futbol üzrə Azərbaycan Kubokunda finala yüksələn ilk komanda bəlli olub.

Yarımfinal mərhələsinin cavab matçında “Qarabağ” Tofiq Bəhramov adına Respublika Stadionunda “Araz-Naxçıvan”la qarşılaşıb. Rəqibini 3 cavabsız qolla məğlub edən Ağdam klubu adını finala yazdırıb.

"Köhlən atlar"ın heyətində qolları Yassin Benzia, Nəriman Axundzadə və Toral Bayramov vurublar.

Azərbaycan Kubokunun final oyunu mayın 31-də Mehdi Hüseynzadə adına Sumqayıt şəhər stadionunda keçiriləcək. Qarşılaşma saat 19:00-da start götürəcək.