Onun sözlərinə görə, Cənub Qaz Dəhlizi fəaliyyət göstərdiyi iki il ərzində "Avropanın enerji təhlükəsizliyi üçün strateji əhəmiyyətini” nümayiş etdirib.

 

İohannisin sözlərinə görə, Ukraynadakı münaqişə kontekstində "Aİ və üzv dövlətlər qazın geosiyasi qiyməti həddən artıq yüksək olduğuna görə etibarsız mənbələrdən asılılığı əhəmiyyətli dərəcədə azaltmaq üçün qətiyyətli addımlar atıblar”. Belə bir şəraitdə "Cənub dəhlizi ilə tədarük edilən Azərbaycan qazı regionun bir çox dövlətləri üçün təhlükəsizlik yastığına çevrilib”, o vurğulayıb.

 

Cənub Qaz Dəhlizinin bir hissəsi olan TAP qaz kəməri "Mərhələ-2” layihəsi çərçivəsində "Şahdəniz” yatağından ildə 10 milyard kubmetr qazın nəqli üçün nəzərdə tutulub. Qaz kəmərinin ötürmə qabiliyyəti onun ötürücülüyünü ildə 20 milyard kubmetrə çatdırmağa imkan verir.

TAP AG 2026-cı ildən etibarən qaz kəmərinin ildə 1,2 milyard kubmetr qazla genişləndirilməsinin birinci mərhələsini həyata keçirəcək.
     
2022-ci ildə Azərbaycan qazının Avropaya ixracı 11,4 milyard kubmetr təşkil edib ki, bu da əvvəlki ilin göstəricisini 12,3 faiz üstələyib. Azərbaycan 2023-cü ildə Avropaya təxminən 12 milyard kubmetr qaz ixrac etməyi planlaşdırır.

Avropa İttifaqında enerji böhranı 2022-ci il iyulun əvvəlində, Rusiyadan qaz tədarükündə ilk fasilələr yarananda daha da pisləşdi. Bundan sonra Avropa Komissiyası Aİ ölkələrini Rusiya Federasiyasından tədarükün tamamilə dayandırılmasına hazırlaşmağa və avqustun 1-dən etibarən icma dövlətləri tərəfindən qaz istehlakının könüllü olaraq 15% azaldılması planını tətbiq etməyə çağırıb. 

 

Gülnar