Ukraynada yaşayan azərbaycanlılar Kiyevdə Daxili İşlər Nazirliyinin (DİN) binası qarşısında etiraz aksiyası keçirirlər. Onlar son vaxtlar Ukraynada azərbaycanlılara qarşı cinayətlərin artmasına, xüsusilə adam oğurluğu hallarına DİN tərəfindən lazımi reaksiya verilməməsinə, tədbirlər görülməməsinə etiraz ediblər.
ANN.Az xəbər verir ki, mitinq iştirakçılarının APA-ya verdiyi məlumata görə, aksiyaya 200-dən çox şəhərdən gəlmiş azərbaycanlılar qatılıblar.
Aksiya iştirakçıları daxili işlər naziri Arsen Avakovdan son 2 ildə - o, nazir təyin ediləndən bəri 20-dən çox azərbaycanlı iş adamının və iş adamlarının övladlarının oğurlanmasına, tanınmış azərbaycanlılara qarşı sui-qəsdlərin üstünün açılmamasına aydınlıq gətirməsini tələb ediblər.
Qeyd edək ki, Ukrayna DİN-in rəhbəri milliyyətcə erməni olan Arsen Avakovdur. Ötən gün A.Avakova qarşı Ukrayna Baş Prokurorluğunda korrupsiya ittihamı ilə araşdırmalara başlanılıb.
www.ann.az
Bizi sosial şəbəkələrdə izləyin !
