"Azərkosmos" ixracı azaldıb
29.11.2024 17:48
2024-cü ilin ilk 10 ayında Rəqəmsal İnkişaf və Nəqliyyat Nazirliyi yanında Kosmik Agentlik ("Azərkosmos") 50 ölkəyə 15,4 milyon ABŞ dolları dəyərində peyk telekommunikasiya xidmətləri ixrac edib ki, bu da ötən ilin eyni dövrünün göstəricisindən 4,3% azdır. Bu barədə İqtisadi İslahatların Təhlili və Kommunikasiya Mərkəzinin (İİTKM) "İxrac İcmalı”nın noyabr buraxılışında bildirilib.
Bu ilin 10 ayı ərzində "Azərkosmos”un xidmət ixracından əldə etdiyi gəlir onun ümumi gəlirlərinin 74 %-ni təşkil edib.
Hesabat dövründə peyk telekommunikasiya xidmətlərinin ixracının ilk beşliyində isə 4.9 milyon ABŞ dolları ilə Birləşmiş Krallıq, 3,2 milyon ABŞ dolları ilə Lüksemburq, 781.4 min ABŞ dolları ilə Birləşmiş Ərəb Əmirlikləri, 560 min ABŞ dolları ilə Pakistan, 547.2 min ABŞ dolları ilə Türkiyə qərarlaşıb.
Təkcə oktyabrda "Azərkosmos” 40 ölkəyə 1,6 milyon ABŞ dolları dəyərində xidmət ixrac edib.
N.Təbrizli
www.anews.az
Oxşar xəbərlər
Oxşar xəbərlər
İqtisadiyyat
19:44
SOCAR İtaliyanın Italiana Petroli şirkətinin 99,82% səhminin alınmasını tamamlayıb
İqtisadiyyat
13:06
Rauf Namazov: "Maliyyə institutları yenilikləri tətbiq edərkən riskləri öncədən hesablamalıdır"
İqtisadiyyat
11:34
ABB yeni istiqraz emissiyalarını davam etdirməyi planlaşdırır, IPO investorlarının sayı artır
Foto 
Video 
