15 iyun - Bakı-2015-də gözlənilən YARIŞLAR

ANS PRESS baş tutacaq yarışları təqdim edir.

Qadınlar arasında 48 kq, 55, 60, 69 kq çəki dərəcəsində Sərbəst üsulla təsnifat yarışları. Əsas iddiaçılar sırasında Azərbaycan idmançıları yer alır. 

Ed Makkever (GBR) 2012-ci il London Olimpiya Oyunlarında kişilər arasında 200 m məsafəyə kayak-təkbətək yarışında Saul Kraviotto (ESP) üzərində qələbə qazanaraq qızıl medalı əldə edib. Rəqiblər sonuncu dəfə 2014-cü ildə Moskvada keçirilən Dünya Çempionatının finalında qarşılaşıb. Orada onların hər ikisi 34.270 saniyə nəticə göstərərək üçüncü yeri paylaşıblar. Bazar ertəsi onlar Bakı 2015-də Mingəçevirdə eyni kateqoriyalı yarışda qarşılacaqlar.

Sinxron üzgüçülük üzrə ilk medalçılar bazar ertəsi səhər saatlarında müəyyən ediləcək. Duetlərin sərbəst yarışında rusiyalı cütlük Valeriya Filenkova və Dariya Kulagina favorit hesab olunur. Onların günorta saatlarında baş tutacaq komandalar arasında sərbəst növ üzə final yarışlarında qızıl medal qazanacaqları gözlənilir.

İdman gimnasikası üzrə kişilər və qadınlardan ibarət komandalararası final yarışlarının sonuncu günündə Rusiya qızıl medal qazanmaq niyyətindədir. Yarışlar Milli Gimnastika Arenasında baş tutacaq. 

Nadine Hartviq üzvü olduğu Almaniya komandasının su polosu üzrə qrup mərhələsində Yunanıstana qarşı oyununda daha bir möhtəşəm qələbəyə ümid edir. Bu oyun, növbəti mərhələyə hansı komandanın keçəcəyini müəyyən etmək üçün böyük əhəmiyyətə malikdir. Hartviq bazar günü İsrail üzərində 10-1 hesablı qələbə ilə başa çatan oyunda dörd qola imza atıb. Almaniyanın qələbəsi onların növbəti mərhələyə keçməsinə kömək edə bilər.

Qadınlar arasında Avropa çempionu olan Rusiya komandası B qrupunda Bolqarıstanla görüşəcək. Bundan əvvəl Hollandiyaya məğlub olan ruslar növbəti oyunda qələbə zolağına qayıdacağına ümid edir. Oyunlar Kristal Zal 1-də keçiriləcək.