Blinken Azərbaycana çağırış edib
11.12.2024 16:20
ABŞ-ın Dövlət Katibi Antoni Blinken Azərbaycan hökumətini həbs olunan jurnalistləri azad etməyə çağırır. Bu barədə ABŞ-ın Azərbaycandakı səfirliyi rəsmi facebook hesabında paylaşım edib.
"Azərbaycan hökuməti Rüfəti, eləcə də haqsız yerə həbs edilmiş bütün digər jurnalistləri, hüquq müdafiəçilərini, siyasi rəqiblərini və digər haqsız həbs edilmiş şəxsləri dərhal azad etməlidir”, - məlumatda deyilir.
Hüquq müdafiəçisi Rüfət Səfərov Cinayət Məcəlləsinin 178.3.2-ci (dələduzluq-külli miqdarda ziyan vurmaqla törədildikdə), 127.2.3-cü (qəsdən sağlamlığa az ağır zərər vurma) və 221.1-ci (xuliqanlıq) maddələri ilə ittiham olunur.
Həmçinin bir neçə gün öncə Meydan Tv-nin saxlanılan altı əməkdaşının hər birinə Cinayət Məcəlləsinin 206.3.2-ci (qaçaqmalçılıq - qabaqcadan əlbir olan bir qrup şəxs tərəfindən törədildikdə) maddəsi ilə ittiham irəli sürülüb.
Məhkəmə saxlanılan şəxslərin 4 ay müddətinə həbs olunması ilə bağlı qərar qəbul edib.
Bundan əvvəl Azərbaycanda fəaliyyət göstərən bir sıra qərb ölkələrinin səfirləri Azərbaycanı həbsdə olan hüquq müdafiəçisini azad etməyə çağırıb.
Azərbaycan Xarici İşlər Nazirliyi buna "bu bəyanatlar Azərbaycanda müstəqil məhkəmə sisteminə açıq-aşkar zərbə vurmaq cəhdidir” cavabını verib.
Azərbaycan Xarici İşlər Nazirliyi buna "bu bəyanatlar Azərbaycanda müstəqil məhkəmə sisteminə açıq-aşkar zərbə vurmaq cəhdidir” cavabını verib.
Gülnar Nazimqızı
www.anews.az
Foto 
Video 
