2024-cü ilin birinci rübünün sonunadək Bakı-Tbilisi-Ceyhan kəməri (BTC) ilə 568 milyon (4.3 milyard barel) ton xam neft nəql edilib və Ceyhandan 5629 tankerə yüklənərək dünya bazarlarına göndərilib. Bu barədə BP şirkətinin Azərbaycanda fəaliyyətinə dair cari ilin birinci rübünün nəticələrinə həsr olunmuş hesabatda qeyd olunub.
Cari ilin birinci rübü ərzində BTC vasitəsilə ixrac olunmuş təqribən 7 milyon ton (təxminən 54 milyon barel) xam neft və kondensat Ceyhan terminalında 72 tankerə yüklənilib və yola salınıb.
2024-cü ilin birinci rübündə Bakı-Tbilisi-Ceyhan kəməri (BTC) üzrə əməliyyat xərclərinə təxminən 33 milyon dollar, əsaslı xərclərə isə 7 milyon dollar vəsait xərclənib.
Hesabat dövründə BTC üzrə ümumi xərclər 40 milyon dollar olub.
Hazırda BTC neft kəməri ilə "Azəri-Çıraq-Günəşli” yataqlar blokundan hasil ediən neft və "Şahdəniz” yatağından çıxarılan qaz kondensatı, həmçinin SOCAR hasil etdiyi dan neft və qaz kondensatı nəql eilir.
BTC neft kəmərinin uzunluğu 1768 min kilometrdir. Bunun da 443 kilometri Azərbaycan, 249 kilometri Gürcüstanda, 1076 kilometri Türkiyə ərazisindən keçir. Kəmərin ötürmə qabiliyyəti ildə 50 milyon tondan artıqdır.
BTC Co.-nun səhmdarları bp (30,1%); SOCAR (25%); MOL (8,9%); Equinor (8,71%); TPAO (6,53%); ENI (5%); Itochu (3,4%); ExxonMobil (2,5%); INPEX (2,5%), TotalEnergies (5%) və ONGCVidesh (2,36%) şirkətləridir.
2023-cü ilin dekabrında Equinor BTC layihəsindəki payını SOCAR-a satmaq barədə müqavilə imzalayıb. Tərəflərin bir sıra öhdəlikləri yerinə yetirildikdən sonra əməliyyat başa çatmış hesab ediləcək.
Aygün
www.anews.az
Bizi sosial şəbəkələrdə izləyin !
