Vaşinqton Universiteti hər gün bal yeməyi tövsiyə edir

Vaşinqton Universiteti hər gün bal yeməyi tövsiyə edir.

Hər gün bal yeyilsə, damarlarda yapışqan düyün-yığınlar 30 faiz azalır və ateroskleroz riskinin qarşısı alınır.

Siçanlar üzərində testlər göstərdi ki, bunun sirri balın tərkibindəki şəkərdədir. Söhbət treqolozadan gedir. 

Anews.az AZƏRTAC-a istinadən bildirir ki, treqoloza immun hüceyrələrini damarları yapışqan düyünlərdən təmizləməyə məcbur edən zülalı fəallaşdırmaqla, infarktın və insultun qarşısını ala bilir. Nəticədə damarların divarları elastikləşir, qan dövranı bərpa olunur, təzyiq normallaşır.

Birinci dəfə deyildir ki, bal ən faydalı məhsul sayılır. O, güclü antioksidant xüsusiyyətləri sayəsində orqanizmi toksinlərdən təmizləyir. Yeri gəlmişkən, bal dərinin vəziyyətini yaxşılaşdıran antibakterial xüsusiyyətlərə malikdir. Arıqlamaq istəyən adamlara bal yemək tövsiyə olunur. Balın tərkibindəki şəkər şirniyyatın tərkibindəki şəkərdən fərqlənir. Bal metabolizmi sürətləndirir. Nəticədə insan arıqlayır.