Vəzifəli şəxsin oğlu dövlət qurumunu məhkəməyə verdi

Azərbaycanda vəzifəli şəxsin oğlu torpaq mübahisəsi ilə bağlı Əmlak Məsələləri Dövlət Komitəsini məhkəməyə verib. 
Anews.az-ın xəbərinə görə, Bakı İnzibati Məhkəməsində hakim Mehriban Qarayevanın sədrliyi ilə keçiriləcək məhkəmə prosesində Quliyev Əliövsət Təlatüm oğlu iddiaçı qismində tanınıb.
Qeyd edək ki, Ə. Quliyevin atası Təlatüm Əliövsət oğlu Quliyev Milli Məclisdə Ümumi şöbənin müdiri vəzifəsində işləyir. Umumiyyətlə Quliyevlər nəsli Azərbaycan ictimaiyyətinə kifayət qədər tanınmış nəsildir. Belə ki, şöbə müdirinin atasıda tarix elmi üzrə tanınmış alim, professor Əliövsət Nəcəfqulu oğlu Quliyev olub./Yeni Sabah/

www.anews.az