Baş pidemioloq: "Həkimlərə yazığınız gəlsin"

"Heç olmasa yay fəslində 10-12 saat qoruyucu geyimlərdə əziyyət çəkən həkimlərə yazığınız gəlsin. Aylarla ailəsi ilə görüşməyən həkimlərimiz var.

 

Onların içərisində kişilərlə yanaşı xanım həkimlərimiz, tibb işçilərimiz, gecəli-gündüzlü bizi mühafizə edən polislərimiz də var".

Anews.az xəbər verir ki, bunu Azərbaycanın baş epidemioloqu İbadulla Ağayev Yeni TV-yə müsahibəsində deyib.

Həkim qeyd edib ki, əhalinin 90 faizi maskadan istifadə etmir, sosial məsafəni gözləmir, eləcə də şayiələrə inanırlar:

 

"Son vaxtlar ölkənin ən iri xəstəxanaları boşaldılaraq hazır vəziyyətə gətirilib. Bu da təbii ki, əhalinin sağlamlığı üçündür. Hər kəs əxlaqi normalara riayət etməlidir. Mütəxəssislərin dediklərinə qulaq asmaq lazımdır, bundan başqa yolunuz yoxdur”.(yeniavaz.com)