"Onun ölümü təsadüfi ölüm deyildi" - Rasim Əliyevin yaxınları danışdı

Bu il jurnalist Rasim Əliyevin ölümündən 6 il ötür. Onu 2015-ci ilin avqustun 8-də  "Qəbələ” futbol komandasının oyunçusu Cavid Hüseynovun qohumları Bayıl ərazisində döymüşdü. Aldığı xəsarətlərlə 1 saylı Şəhər Kliniki Xəstəxanasına yerləşdirilən Rasim Əliyev avqustun 9-u səhər saatlarında dünyasını dəyişib. İdmançının qohumları tərəfindən döyüldüyünü  jurnalist  son müsahibəsində bildirmişdi. Daha sonra Baş Polis İdarəsinin əməkdaşlarından ibarət istintaq-əməliyyat qrupunun araşdırmasıyla bu fakt öz təsdiqini tapdı. Ölümündə təqsirli bilinən  Elşən İsmayılov 13 il, Arif Əliyev 12 il 6 ay, Camal Məmmədov 11 il, Samir Mustafayev 9 il , Kənan Mədətov 9 il müddətinə azadlıqdan məhrum edilib. Lakin məzarını ziyarətə gələn dostları düşünür ki, Rasim Əliyevin ölümünə səbəb olan şəxslərin hamısı barədə cəza tədbiri görülmədi.  

 

Ətraflı videoreportajda 

 

Hazırladı: Ləman Qasımova