“Rus Evi”nin rəhbəri danışdı

Bakıda  Azərbaycan dövlətçiliyi əleyhinə fəaliyyət göstərdikləri üçün fəaliyyətinin dayandırıldığı “Rus Evi”nin rəhbəri İrek Zinnurov  bu evin "bağlanmasının üçüncü tərəf üçün sərfəli ola biləcəyi barədə bəyanat verib. 

" "Rus Evi"nin qapadılması həm Azərbaycan, həm də Rusiya tərəfi üçün üzücü bir hadisədir. Üçüncü bir tərəf oturub, əllərini ovuşdurur və buna sevinir... Bu üçüncü tərəf bu vəziyyətdən istifadə edir və mümkün qədər daha çox odun üstünə barıt tökməyə çalışır",  -  Zinnurov RT müsahibəsində bildirib .

O,  qeyd edib ki, 2024-cü il ərzində Bakıda “Rus Evi” tərəfindən 800-dən çox tədbir keçiriib. 

Əvvəlcə rəsmi Bakı  “Rossotrudniçestvo” təşkilatının Azərbaycandakı nümayəndəliyinin hüquqi şəxs kimi qeydiyyatdan keçmədiyini və təşkilatın ölkə qanunvericiliyini ciddi şəkildə pozduğunu açıqlayıb.

 Bunun ardınca  fevralın 3-də “Rus Evi”nin fəaliyyətinin dayandırılması ilə bağlı Rusiyaya nota göndərilib.

Azərbaycan Xarici İşlər Nazirliyinin məlumatında bildirilir ki, ölkə ərazisində bu cür təşkilatların fəaliyyəti milli qanunvericiliyə, dövlətlərarası qarşılıqlı prinsipə və ikitərəfli əsasda əldə edilən razılaşmalara uyğun şəkildə tənzimlənir.

Azərbaycan tərəfinin “Rus Evi”nin ölkədə fəaliyyətinin dayandırılması ilə bağlı qərarına əsasən, Rusiyanın da bu istiqamətdə müvafiq addımlar atacağı gözlənilir.

Firayə Nurizadə

N.Təbrizli