İtkin düşən hərbçilərin valideynləri prezidentlə görüş tələb edir-VIDEO

44 günlük müharibədə Azərbaycan 3000ə yaxın əsgər və zabitini itirib.

 

Son rəqəmlərə görə 7 hərbiçi hələ də itkindir. Onların yaxınları 10 aydan çoxdur ki,bir çox hökumət qurumlarını qapı-qapı gəzib övladlarının tapılmasını tələb edirlər. İtkin düşən hərbçilərin yaxınları avqustun 17-si prezident administrasiyasının önündə aksiyaya cəhd ediblər.

 

Polis şikayətçilərə toplaşmağa icazə verməyib, ərazidən uzaqlaşdırıb. Adı itkinlər siyahısında olan leytenant İbrahim Vəlizadənin atası Səməd vəlizadə deyir ki, artıq gözləməkdən yorulublar.

 

Səməd Vəlizadə bildirib ki, prezident administrasiyasından çıxan səlahiyyətli şəxs onlarla küçədə görüşüb, onların dərdlərini dinləyib. Ailələr isə prezidentin qəbuluna düşmək, dərdlərini onlara demək istəyirlər. Müdafiə nazirliyinin bu ilin yanvarında açıqladığı rəsmi siyahıda 64 hərbiçi itkin sayılırdı. aparılan axtarışlar və DNT analizlərinin cavabları nəticəsində onların bir çoxunun nəşi tapılıb.

 

İtkin siyahısında hazırda qalan 7 nəfərin yaxınları isə övladlarının tez bir zamanda tapılacağına ümid edirlər.