Qubada yol qəzası olub - Ölən və yaralanan var

Qubada ölümlə nəticələnən yol-nəqliyyat hadisəsi baş verib.

“Qafqazinfo”nun məlumatına görə, hadisə rayonun Heydər Əliyev prospektində qeydə alınıb.

Hərəkətdə olan “Toyota” markalı avtomobil idarəetmədən çıxaraq səkiyə çırpılıb.

Hadisə zamanı avtomobildə olan sərnişin, 2000-ci il təvəllüdlü Beyləqan rayon sakini Yusifli Yusif Cabir oğlu hadisə yerində ölüb.

Sürücü Quba rayon sakini 2004-cü il təvəllüdlü İbrahimov Heydər Telman oğlu isə müxtəlif dərəcəli bədən xəsarətləri alaraq Quba rayon Mərkəzi Xəstəxanasına çatdırılıb.

Faktla bağlı araşdırma aparılır.