Kürdəmirdə canavarlar kəndə hücum etdi: bir ailənin 16 qoyunu tələf olub

Kürdəmirdə canavarların hücumu nəticəsində bir kənd sakininə məxsus 16 baş xırdabuynuzlu heyvan tələf olub, son həftədə isə kənddə onlarla heyvanın məhv edildiyi bildirilir.

APA-nın yerli bürosunun məlumatına görə, hadisə rayonun Çölqubalı kəndində səhər saatlarında baş verib. Kənd sakini Şahin Səfərova məxsus 16 baş heyvan vəhşi heyvanlar tərəfindən parçalayıb.

Sakinlərin sözlərinə görə, kəndin ətrafının sıx yulğunluqla əhatə olunması vəhşi heyvanların yaşayış məntəqəsinə yaxınlaşmasını asanlaşdırır. Son bir həftədə canavarlar sürü halında kəndə daxil olaraq sakinlərin “onlarla” qoyun-keçisini tələf ediblər.

Kənd bələdiyyəsinin sədr müavini Balamirzə Ağayev bildirib ki, məsələ aidiyyəti qurumlara çatdırılacaq və müvafiq tədbirlər görüləcək.