Azərbaycanın ABŞ-dəki səfiri senator Stiv Deynslə görüşüb

Azərbaycanın ABŞ-dəki səfiri Xəzər İbrahim ABŞ Senatının Xarici Əlaqələr Komitəsinin üzvü, senator Stiv Deynslə görüşüb.

Səfir bu barədə "X" sosial şəbəkəsindəki hesabında paylaşım edib.

Xəzər İbrahim bildirib ki, görüşdə Azərbaycan-ABŞ strateji tərəfdaşlığının və regional əməkdaşlığın möhkəmləndirilməsinə verdiyi töhfələrə görə senatora təşəkkürünü ifadə edib.

Onun sözlərinə görə, görüş zamanı senator Stiv Deynsin bu yaxınlarda Azərbaycan Prezidenti İlham Əliyevlə keçirdiyi görüş və həmin görüşdə aparılan müzakirələr də məmnunluqla xatırlanıb.