Yeni südlük fermalara heyvan başına 1,500 manat subsidiya veriləcək - nazir

Azərbaycanda yeni yaradılan südlük fermalara hər heyvan üçün 1,500 manat, ətlik təsərrüfatlara isə 1,000 manat subsidiya veriləcək. Dəstək mövcud 60 faizlik güzəşt mexanizminə əlavə olacaq. Bunu kənd təsərrüfatı naziri Məcnun Məmmədov bildirib.

Nazirin sözlərinə görə, ölkəyə idxal olunan hər ana heyvana görə illik 500 manat, həmin heyvanlardan Azərbaycanda yetişdirilən və sürü dövriyyəsini davam etdirən cins heyvanlara isə başına 800 manat subsidiya nəzərdə tutulub.

Məmmədov süni mayalanma üzrə dəstək mexanizminin dəyişdiyini deyib.

Süni mayalanma ilə alınan hər yeni buzova verilən subsidiya 100 manatdan 75 manata endiriləcək, həmin buzovlardan süni mayalanma yolu ilə alınan növbəti nəsil heyvanlara isə 150 manat subsidiya veriləcək.

Gülnar Nazimqızı