Azercell-in Müştəri Xidmətləri indi sizin olduğunuz yerdə

 

Azercell bu dəfə abunəçiləri üçün Mobil Müştəri Xidmətləri layihəsi çərçivəsində daha bir yeniliyi təqdim edir. Artıq 14 sentyabr tarixindən etibarən Azercell Ekspres və Müştəri Xidməti Mərkəzlərinə müxtəlif səbəblərdən gələ bilməyən abunəçilərin yanına Azercell özu gələcək. Özü də, bu proses çox sadə və abunəçilər üçün rahat bir şəkildə həyata keçiriləcək. Belə ki, Mobil Müştəri Xidmətlərinin sifariş edilməsi üçün abunəçi Baki və Gəncə Telefon Mərkəzinə zəng və ya abunəçinin adından Baki Ön ofisinə nümayəndəsi şifahi müraciət edərək sifariş edə bilər. 15 AZN təşkil edən bu xidmət çərçivəsində abunəçinin müraciətinə uyğun olaraq 5-ə qədər müxtəlif əməliyyat icra edilə bilər. Xidmətin Bakı şəhəri (ətraf kəndlər daxil) ərazisində abunəçinin faktiki olduğu yerdə, şirkətdaxili ümumi qaydalara uyğun olaraq göstərilməsi nəzərdə tutulub.

Qeyd edək ki,bu ilin aprel ayında yaradılan Mobil Müştəri Xidmətləri Azərbaycanın rayon və şəhərlərinə səfər edərək vətəndaşların  istək və gözləntilərni rahat və operativ şəkildə həyata keçirib. Səfərlər zamanı abunəçilərə Müştəri Xidmətləri və AzEx ofislərində Azercell tərəfindən təqdim olunan bütün xidmətlər göstərilib. Qeyd edək ki, müştərilərə xidmət sahəsində bu konsepsiyaya ölkədə ilk dəfə məhz Azercell tərəfindən tətbiq olunur. Məlumat üçün bildirək ki, Azercell Müştəri Xidmətləri sahəsində innovativ yenilikləri ilə hər zaman seçilib. Şirkət 1998-ci ildə ölkədə ilk dəfə olaraq 24/7 rejimində fəaliyyət göstərən Telefon Mərkəzi, 2009-cu ildə isə Gəncədə ilk Regional Telefon Mərkəzini yaradıb. Öz müştərilərinə yalnız üz-üzə deyil, həm də virtual, "online" şəkildə xidmət göstərən Azercell sosial şəbəkələrdə də bu xidmətin keyfiyyətini yüksəldir. Müştəri məmnuniyyəti sahəsində göstərdiyi uğurlu xidmətlərinə görə, Azercell müxtəlif mükafatlara layiq görülüb. Azercell Azərbaycanda ən böyük müştəri xidmətləri şəbəkəsinə - 58 Ön Masa və Azercell Ekspres ofisləri və 425 rəsmi satış məntəqəsi ilə ən geniş satış şəbəkəsinə malikdir. Bu məntəqələr yüksək keyfiyyətli servis göstərmək üçün bütün ölkə boyu  müştərilərin xidmətindədir.