Banklarda saxlanılan əmanətin miqdarı AÇIQLANDI

Bu ayın əvvəlinə olan məlumata görə Azərbaycanda fəaliyyət göstərən 26 bankın cəmi aktivləri 33 milyard 810,7 milyon manat, cəmi öhdəlikləri 29 milyard 58,2 milyon manat olub.

Yeniavaz.com xəbər verir ki, bu ilin yanvar-may aylarında banklar 273,2 milyon manat xalis mənfəət, 411,2 milyon manat əməliyyat mənfəəti əldə edilib.

Mayda fiziki şəxslərin əmanətləri (sahibkarlıqla məşğul olan fiziki şəxslərin depozitləri çıxılmaqla) 3,1% (258,1 milyon manat) artaraq 8 milyard 478 milyon manat olub.

Hüquqi şəxslərin cəmi depozitləri mayda 3,4% (445,2 milyon manat) artaraq 13 milyard 587,5 milyon manat olub.