Azərbaycanda yeni fındıq emalı zavodu açılacaq

"Yaxın aylarda  20 min ton fındıq və 7 min ton üyüdülmüş fındıq istehsal edəcək qabaqcıl texnologiyalarla təchiz edilmiş yeni zavodumuzu açmağa hazırlaşırıq. Qeyd etmək istəyirəm ki, dünyada belə gücə malik zavodlar azdır”, - Kazımov  qeyd edib.

O, həmçinin söyləyib ki,  ötən mövsümdə Azərbaycanda 67 min ton fındıq yığılıb. Onun da 23 min tonu təmizlənib. 

Kazımovun sözlərinə görə,  "Aqrarco” hazırda beynəlxalq təşkilatlarla fındıq qabıqlarının təkrar emalı  layihəsi üzərində işləyir. "Fındıq qabığı təkrar emal olunduqdan sonra onun böyük tətbiq potensialı yaranır. Belə ki, qabıq təkrar emal edilə, gübrə kimi istifadə oluna, həmçinin aktivləşdirilmiş karbona çevrilə bilər. Bu baxımdan müəssisə FAO ilə sıx əməkdaşlıq edir", - Kazımov vurğulayıb. 

Aqrarko 2017-ci ilin martında üç kənd təsərrüfatı şirkətinin birləşməsi nəticəsində  yaradılıb. Müəssisənin müxtəlif meyvələrin yetişdirilməsi üçün bağları və onların emalı üçün müəssisələri var.