Xidmət rəisi sahibkarlara çağırış edib

"Hər xırda hərəkət edən şəxs sahibkar adlana bilməz. Sahibkar işi, komandanı idarə etməli, danışıqlara getməyi bacarmalıdır. Bəzən dostlarım zəng vurub deyir ki, problemlə üzləşmişəm. Mən onlardan yazılı müraciət etməyi tələb edirəm.  Bizdə, sanki, sahibkarlar yazılı müraciət etməyə çəkinirlər”, - Abbasbəyli Milli Məclisin İqtisadi siyasət, sənaye və sahibkarlıq komitəsinin cümə axşamı keçirilən iclasında bildirib.

Onun sözlərinə görə, əgər tenderlər keçirilərkən pozuntuya yol verilibsə onu təyin etmək asan deyil. 

"Hər otağa kamera qoya bilmərik. Dövlət təşkilatında tender komissiyası üzvü pozuntuya yol verirsə onu ifşa etmək asan deyil. Təşkilatlarda insanlar öz işini vicdanla yerinə yetirməyənə qədər problemlərin həlli yarımçıq olacaq”.

Antiinhisar və İstehlak Bazarına Nəzarət Dövlət Xidməti — antiinhisar, haqsız rəqabət, dövlət satınalmaları, açıq məkan istisna olmaqla reklam fəaliyyəti, standartlaşdırma, metrologiya, texniki tənzimləmə, uyğunluğun qiymətləndirilməsi, akkreditasiya, keyfiyyətin idarə edilməsi, istehlakçıların hüquqlarının müdafiəsi və istehlak bazarına nəzarət sahələrində dövlət nəzarətini və tənzimlənməsini həyata keçirən qurumdur.