Azərbaycan banklarının aktivləri 7,7% artıb

 

"Bank sektorunun cari vəziyyəti və inkişaf trendləri də bununla bir tandem təşkil etməkdədir. Bankların aktivlərinin həcmi 2024-cü ilin oktyabr ayının sonuna 49.7 mlrd. manat təşkil etmişdir ki,  bu da ötən ilin eyni dövrü ilə müqayisədə 7.7% çoxdur",  Nuriyev  söyləyib.

 

Onun sözlərinə görə, kredit portfelinin həcmi 27,1 milyard manat təşkil edib.  O cümlədən, biznes kreditləri 19.4% artaraq 14,6 milyard manat təşkil edib. 

 

Dövlət fondları nəzərə alınmadan, yalnız bankların vəsaiti hesabına real sektora verilən kreditlərinin həcmindəki artım isə ümumi kredit portfelindəki atımı  üstələyərək 21% oub. 

2024cü il noyabrın  1-ə depozit portfeli təxminən 4%  artaraq 34,4 milyard  manat olub. 

 

"Buna müqabil, fiziki şəxslərin müddətli depozitlərinin həcmi 26% artaraq  8,3 milyard manat təşkil edib.  Fiziki şəxslərin əmanətlərinin dollarlaşma əmsalı isə 34% təşkil etməkdədir və ötən ilin eyni dövrü ilə müqayisədə 1,8% azalıb",  - Nuriyev bildirib. 

Onun sözlərinə görə, cari ilin 10 ayının sonuna verilən kreditlərin cəmi portfeldəki payı  1,7% təşkil edib. 

Bank sektorunun cəmi balans kapitalının həcmi isə 9% artaraq  6,4 milyard manata kimi artıb.

 

Sektorun cari ilin 10 ayı ərzində əldə etdiyi faiz gəliri 3,2 milyard manat, mənfəətin həcmi isə 913,7 milyon manat təşkil etməkdədir.