• $
  • €
  • ₽
  • ₺
  • £

Tbilisidə regionun ilk "quru limanı" açılıb

Tbilisidə regionun ilk "quru limanı" açılıb
04.06.2025 08:07

Tibilisidə Cənubi Qafqaz bölgəsinin ilk dəmir yolu konteyner terminalı — Tbilisi Quru Limanı rəsmi olaraq fəaliyyətə başlayıb. Bu barədə Gürcüstanın baş naziri İrakli Kobaxidze limanın açılış mərasimində bildirib.

“Bu gün biz mühüm hadisənin şahidi olduq. Regionda ilk müasir dəmir yolu konteyner və yük terminalı olan Tbilisi Quru Limanının rəsmi açılışı baş tutur”, —  Kobaxidze qeyd edib.

Liman 28.5 hektarlıq ərazidə üç mərhələdə inşa olunur. İlk mərhələyə 21 milyon dollar sərmayə yatırılıb və bu mərhələ başa çatıb. İlkin mərhələ illik 100 min konteynerin daşınmasına imkan verəcək. Bütün mərhələlər tamamlandıqdan sonra terminalın illik ötürücülük qabiliyyəti 200 min konteynerə çatacaq.

Baş nazir limanın Orta Dəhliz vasitəsilə Çindən və Mərkəzi Asiyadan yük axınlarının artırılmasında strateji əhəmiyyət daşıdığını vurğulayıb. Onun sözlərinə görə, terminal yalnız Gürcüstanın dəniz limanlarına xidmət etməyəcək, həm də region ölkələri üçün konteyner mərkəzi və deposu olacaq.

Kobaxidze bildirib ki, quru liman beynəlxalq avtomagistrallara birbaşa çıxışa malikdir, milli dəmir yolu şəbəkəsinə bağlıdır və Ermənistan və Azərbaycan sərhədlərinə, həmçinin Tbilisi Beynəlxalq Hava Limanına yaxın yerləşir. Bu amillər onu regionun ən səmərəli logistika mərkəzlərindən birinə çevirir.

Tbilisi Quru Limanı paytaxtın kənarında, hava limanı və Samqori dəmir yolu stansiyasının yaxınlığında yerləşir. Layihə Birləşmiş Ərəb Əmirliklərinin Abu Dhabi Ports Group, Norveçin Wilhelmsen Port Services və Gürcüstanın Inveco LLC şirkətlərinin birgə təşəbbüsü ilə həyata keçirilir.

N.Təbrizli

Telegram
Keçid et
Oxşar xəbərlər
Oxşar xəbərlər
Azərbaycan nefti ucuzlaşıb
İqtisadiyyat 10:30
Azərbaycan nefti ucuzlaşıb
BTC ilə 21,1 milyon ton neft nəql olunub
İqtisadiyyat 16:45
BTC ilə 21,1 milyon ton neft nəql olunub
Azərbaycanda qızıl hasilatı 6,6% artıb
İqtisadiyyat 16:32
Azərbaycanda qızıl hasilatı 6,6% artıb
Azərbaycanda neft hasilatı 3,5% azalıb
İqtisadiyyat 16:29
Azərbaycanda neft hasilatı 3,5% azalıb
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
İqtisadiyyat 15:43
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
Noyabrın pensiya ödənişləri yekunlaşıb
İqtisadiyyat 13:27
Noyabrın pensiya ödənişləri yekunlaşıb
10 ayda DSMF 1 milyon 155 min şəxsə müavinət və təqaüd ödəyib
İqtisadiyyat 11:45
10 ayda DSMF 1 milyon 155 min şəxsə müavinət və təqaüd ödəyib
ASCO quru yük tranzit daşımalarını 2 dəfədən çox artırıb
İqtisadiyyat 11:32
ASCO quru yük tranzit daşımalarını 2 dəfədən çox artırıb
ABB DAVR-a lisenziya verildi
İqtisadiyyat 11:29
ABB DAVR-a lisenziya verildi
Anews TV

Rəsmi Youtube kanalımız

Abunə ol