Azərbaycan neftinin qiyməti bahalaşıb

Dünya bazarında “Azeri Light” markalı Azərbaycan neftinin bir barelinin qiyməti 0,91 dollar və ya 1,31% artaraq 70,12 ABŞ dollarına yüksəlib.

 Türkiyənin Ceyhan limanında FOB bazasında “Azeri Light”ın bir barelinin qiyməti 0,85 dollar və ya 1,25% artaraq 68,54 dollara çatıb.

Hərracların nəticələrinə əsasən, “Brent” markalı neftin dekabr fyuçersləri 67,30 dollar səviyyəsində qərarlaşıb.

Azərbaycanın 2025-ci il dövlət büdcəsində bir barel neftin orta qiyməti 70 dollar götürülüb. Qeyd edək ki, “Azeri Light”ın minimal qiyməti 2020-ci il aprelin 21-də (15,81 dollar), maksimum qiyməti isə 2008-ci ilin iyulunda (149,66 dollar) qeydə alınıb.

N.Təbrizli