Bakı-Tbilisi qatarında biletlərin qiyməti 81 manatdan başlayacaq

Bakı-Tbilisi-Bakı sərnişin qatarında birtərəfli biletin qiyməti 81 manatdan başlayacaq, “Azərbaycan Dəmir Yolları” QSC bildirib.

Məlumata görə, minimum qiymət Yevlax-Tbilisi marşrutu üzrə 67 manat, Gəncə-Tbilisi üzrə 62 manat, Ağstafa-Tbilisi üzrə 57 manat, Böyük Kəsik-Qardabani üzrə isə 51 manat olacaq.

Səfərlər müasir “Stadler” qatarları ilə həyata keçiriləcək.

ADY bildirib ki, yeni nəsil yataq tipli vaqonlar 2019-cu ildə istismardan çıxarılmış köhnə hərəkət tərkibi ilə müqayisədə daha yüksək komfort, müasir interyer, fərdi xidmət və beynəlxalq standartlara uyğun səyahət imkanı təqdim edir.