Cavid Quliyev: Paşabankın biznes bazarındakı payı 19,8%-ə çatıb

Ümumi biznes bazarında Paşabankın payı ötən il ərzində təxminən 2 faiz bəndi artaraq 19,8%-ə çatıb. Bunu Bankın İdarə Heyətinin sədri, Baş İcraçı Direktoru Cavid Quliyev deyib.

Onun sözlərinə görə, hüquqi şəxslər seqmenti üzrə göstəricilər bank üçün xüsusi əhəmiyyət daşıyır, çünki bankın biznes modeli əsasən korporativ bankçılıq prinsipləri üzərində qurulub.

Cavid Quliyev bildirib ki, müştərilər tərəfindən banka yönəldilən vəsaitlərin həcmində də artım qeydə alınıb və hüquqi şəxslər seqmentində bu göstərici 25%-dən çox yüksəlib.

Bank rəhbəri qeyd edib ki, son illərdə həyata keçirilən rəqəmsal transformasiya bankın müştəri təcrübəsinin inkişafına da təsir göstərib. Onun sözlərinə görə, müştərilərin daha rahat və çevik bank xidmətlərindən istifadə etməsi əsas prioritetlərdən biridir.

O əlavə edib ki, müştəri məmnuniyyətinin ölçülməsi üçün istifadə olunan NPS (Net Promoter Score) göstəricisi kiçik və orta sahibkarlar üzrə 73% təşkil edib.

Aytac