• $
  • €
  • ₽
  • ₺
  • £

Aİ: 2021-ci ildən bəri Azərbaycandan qaz idxalı 40%-dən çox artıb

Aİ: 2021-ci ildən bəri Azərbaycandan qaz idxalı 40%-dən çox artıb
01.06.2026 10:32

Avropa İttifaqının Azərbaycandan təbii qaz idxalı 2021-ci ildən bəri 40%-dən çox artıb. Bunu Avropa Komissiyasının Enerji Baş Direktorluğunun Enerji Təhlükəsizliyi və Beynəlxalq Əlaqələr üzrə direktoru Kristina Lobillo Borrero Bakı Enerji Həftəsinin açılışında bildirib.

Onun sözlərinə görə, Azərbaycan Avropa İttifaqının enerji mənbələrinin şaxələndirilməsi və enerji təhlükəsizliyinin gücləndirilməsi siyasətində mühüm tərəfdaşdır.

“2021-ci ildən etibarən Avropa İttifaqı Azərbaycandan təbii qaz idxalını 40%-dən çox artırıb. Bu ilin yanvarında isə Trans-Adriatik Qaz Boru Kəməri (TAP) ötürmə qabiliyyətinin ilk genişləndirilməsini həyata keçirib. Bu da 2026-cı ildə Avropa İttifaqına əlavə 1,2 milyard kubmetr qaz tədarükünə imkan verəcək”, - Lobillo Borrero bildirib.

O qeyd edib ki, Rusiya-Ukrayna müharibəsindən sonra yaranan kəskin enerji təchizatı böhranından çıxan Avropa indi Yaxın Şərqdəki gərginlik fonunda yeni çağırışlarla üzləşib.

“Bu dəfə problem daha çox təchizat çatışmazlığı ilə deyil, qiymətlərin yüksək volatilliyi ilə bağlıdır”, - o deyib.

Lobillo Borrero vurğulayıb ki, Aİ 2050-ci ilə qədər dekarbonizasiya hədəflərinə sadiq qalsa da, hazırda neft və qaz üzrə xalis idxalçı olaraq qalır və fosil yanacaqlardan asılılığını tam aradan qaldırmayıb.

Onun sözlərinə görə, belə şəraitdə etibarlı tərəfdaşlıqlar xüsusi əhəmiyyət daşıyır.

Avropa Komissiyasının nümayəndəsi bildirib ki, Azərbaycan və Xəzər regionu Cənub Qaz Dəhlizi vasitəsilə Avropanın enerji təhlükəsizliyinin möhkəmləndirilməsinə mühüm töhfə verib.

O, həmçinin Azərbaycanla bərpaolunan enerji və enerji bağlantıları sahəsində əməkdaşlığın əhəmiyyətini vurğulayıb.

Lobillo Borrero qeyd edib ki, Aİ Xəzər–Qara dəniz–Avropa Yaşıl Enerji Dəhlizi layihəsini yaxından izləyir. Onun sözlərinə görə, layihə Xəzər regionu, Cənubi Qafqaz və Avropa arasında gələcək enerji əlaqələrinin mühüm hissəsidir.

“İştirakçı ölkələrin bu ilin sonunadək layihəyə Avropa İttifaqının Qarşılıqlı Maraqlar Layihəsi (PMI) statusunun verilməsi üçün müraciət etmək niyyəti çox vacib mərhələdir”, - o bildirib.

Lobillo Borrero əlavə edib ki, gələcəyin enerji tərəfdaşlıqları yalnız tədarük həcmləri ilə deyil, həm də etibarlılıq, şəffaflıq, dayanıqlı təchizat zəncirləri, əlverişli investisiya mühiti və həm enerji təhlükəsizliyini, həm də enerji keçidini dəstəkləyən texnologiyalarla ölçüləcək.

N. Təbrizli

Youtube
Keçid et
Oxşar xəbərlər
Oxşar xəbərlər
Azərbaycan nefti ucuzlaşıb
İqtisadiyyat 10:30
Azərbaycan nefti ucuzlaşıb
BTC ilə 21,1 milyon ton neft nəql olunub
İqtisadiyyat 16:45
BTC ilə 21,1 milyon ton neft nəql olunub
Azərbaycanda qızıl hasilatı 6,6% artıb
İqtisadiyyat 16:32
Azərbaycanda qızıl hasilatı 6,6% artıb
Azərbaycanda neft hasilatı 3,5% azalıb
İqtisadiyyat 16:29
Azərbaycanda neft hasilatı 3,5% azalıb
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
İqtisadiyyat 15:43
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
Noyabrın pensiya ödənişləri yekunlaşıb
İqtisadiyyat 13:27
Noyabrın pensiya ödənişləri yekunlaşıb
10 ayda DSMF 1 milyon 155 min şəxsə müavinət və təqaüd ödəyib
İqtisadiyyat 11:45
10 ayda DSMF 1 milyon 155 min şəxsə müavinət və təqaüd ödəyib
ASCO quru yük tranzit daşımalarını 2 dəfədən çox artırıb
İqtisadiyyat 11:32
ASCO quru yük tranzit daşımalarını 2 dəfədən çox artırıb
ABB DAVR-a lisenziya verildi
İqtisadiyyat 11:29
ABB DAVR-a lisenziya verildi
Anews TV

Rəsmi Youtube kanalımız

Abunə ol