Avropada təbii qazın qiyməti Yaxın Şərqdən gələn diplomatik siqnallar fonunda enib

Avropanın fyuçers bazarlarında təbii qazın qiyməti Yaxın Şərqdə gərginliyin azalması ehtimalları və regionda aparılan diplomatik danışıqlar fonunda ucuzlaşıb. Bu barədə "Reuters" agentliyi xəbər verir.

Məlumata görə, Niderlandın TTF habında min kubmetr qazın qiyməti gün ərzində təxminən 2-3% düşərək 380-390 ABŞ dolları (və ya 1 meqavat-saat üçün 34-35 avro) səviyyəsində qərarlaşıb.

Analitiklər bildirirlər ki, İran və Oman arasında keçirilən danışıqlar və Hörmüz boğazında gəmiçilik təhlükəsizliyi ilə bağlı müsbət gözləntilər durultulmuş təbii qaz (LNG) tədarükünə dair narahatlıqları azaldıb. Bundan əlavə, Avropa İttifaqı ölkələrində yeraltı qaz anbarlarının doluluq səviyyəsinin mövsüm normasından yuxarı olması da qiymətlərin sabitləşməsinə kömək edir.

N.Təbrizli