Azərbaycandan Tunisə neft ixracı 2,4 dəfə artıb

Azərbaycanın Tunisə xam neft və neft məhsulları ixracı bu ilin ilk yarısında həcm baxımından 2,4 dəfə artıb.

Dövlət Gömrük Komitəsinin xarici ticarət statistikasına əsasən, yanvar-iyun aylarında Azərbaycandan Tunisə 307,2 min ton bitumlu süxurlardan alınan xam neft və neft məhsulları ixrac edilib. Bu ixracın dəyəri 187,7 milyon ABŞ dolları təşkil edib.

2025-ci ilin eyni dövrü ilə müqayisədə ixracın dəyəri 119,8 milyon ABŞ dolları və ya 2,9 dəfə, fiziki həcmi isə 181,5 min ton və ya 2,4 dəfə artıb. Ötən ilin ilk altı ayında Tunisə 125,7 min ton neft və neft məhsulları ixrac edilmiş, bunun dəyəri 67,9 milyon ABŞ dolları olmuşdu.
Ümumilikdə isə 2026-cı ilin yanvar-iyun aylarında Azərbaycandan xarici ölkələrə 10,125 milyon ton xam neft və neft məhsulları ixrac olunub. Bu ixracın dəyəri 6,231 milyard ABŞ dolları təşkil edib.
Ötən ilin müvafiq dövrü ilə müqayisədə ümumi neft ixracının dəyəri 178 milyon ABŞ dolları və ya 2,8%, fiziki həcmi isə 1,921 milyon ton və ya 15,9% azalıb.

Hesabat dövründə Azərbaycan neftinin əsas alıcısı İtaliya olub. Bu ölkəyə 5,915 milyon ton neft və neft məhsulları 3,495 milyard ABŞ dolları dəyərində ixrac edilib. Sonrakı yerlərdə Çexiya (705,8 min ton, 497,4 milyon ABŞ dolları) və Bolqarıstan (358,8 min ton, 253,1 milyon ABŞ dolları) qərarlaşıb.