ABŞ-ın Yaponiyadakı yeni səfiri Kerolayn Kennedi dünən öz etimadnaməsini Yaponiya imperatoru Akixitoya təqdim edib.Anspress xəbər verir ki, böyük tarixi olan ənənəyə əsasən, sui-qəsd qurbanı olmuş Amerika Birləşmiş Ştatları prezidenti Con Kennedinin qızı Tokyo küçələrindən faytonda hərəkət edib və imperator sarayını əhatə edən xəndəyi qədim Nidzübasi körpüsü ilə keçib. Kerolayn Kennedi hələ gəlişindən əvvəl Yaponiyada populyar olub. Yapon dilində danışa bilməsə də, xanım səfir Gündoğan ölkənin tarixi, mədəniyyəti və ənənələri ilə yaxından tanışdır. 70-ci illərdə senator əmisi ilə Yaponiyaya səfər etmiş Kenedi, sonradan bal ayını da məhz bu ölkədə keçirib. Dünənki görüşdə Kerolayn Kennedi etimad məktubu əvəzinə imperatora Amerika Birləşmiş Ştatları prezidenti Barak Obamanın ismarıcını çatdırıb. 10 dəqiqə çəkmiş müzakirələrdə, monarx və səfir yapon-Amerika əlaqələrinin gücləndirilməsinə dair nikbinlik ifadə edib, daha sonra imperator Akixito Kerolaynı sarayda xüsusi çay dəsgahına dəvət edib.ANN.Az