Ələsgər Məmmədlinin həbs müddəti uzadılıb
03.07.2024 17:42
Xətai rayon məhkəməsi "Toplum TV”nin təsisçisi Ələsgər Məmmədli barəsində seçilmiş qətimkan tədbirinin uzadılması ilə bağlı iyulun 3-də qərar qəbul edib.
Prokuror cinayət işi üzrə istintaq hərəkətlərinin davam etməsi ilə bağlı seçilmiş həbs qətimkan tədbirinin uzadılmasını istəyib.
Vəkili Aqil Layıc təqdimata etiraz ehakim Məmmədlinin həbs müddətini daha 3 ay uzadılması barədə qərar qəbul edib.
Bu gün III Respublika Platformasının üzvü Ruslan İzzətlinin də həbs müddətinin uzadılması ilə bağlı təqdimata baxılacaq.
Ələsgər Məmmədli 2024-cü il martın 8-də saxlanılıb. O, saxlanıldığı gün "İstanbul Hospital”ın həkimləri Ələsgər Məmmədlinin müxtəlif orqanlarında şişlər aşkar ediblər. Ən böyük - 22 mm-lik şiş qalxanabənzər vəzidə tapılıb. Klinikada aşkar edilmiş şişlərin biopsiyası tövsiyə edilib.
Məmmədli həbs edildiyi gün onun mənzilində axtarış aparılıb, polis 7300 avro tapıldığını bildirib. Məmmədli bu pulun ona məxsus olduğunu inkar edir. Martın 9-da Bakının Xətai Rayon Məhkəməsi Ələsgər Məmmədlinin dörd ay istintaq təcridxanasında saxlanılması barədə qərar verib. Martın 15-də Apellyasiya Məhkəməsi bu qərarı qüvvədə saxlayıb.
Məmmədli xarici valyutanın qanunsuz yolla Azərbaycana gətirilməsində ittiham olunur.
Aytac Zeynalova
www.anews.az
Oxşar xəbərlər
Oxşar xəbərlər
Foto 
Video 
