Ermənistan dördüncü uşağa görə 4 min dollar ödəyir - Deputat/VIDEO

Cəmiyyət

12:00 | 14.11.2023

Ermənistan dördüncü uşağa görə 4 min dollar ödəyir - Deputat/VIDEO

Son 100 illik tarixdə ilk dəfə Azərbaycanda doğum əmsalı azalmağa meyillənib. Bunu deputat Zahid Oruc bildirib.

"Gürcüstanda patriarx İlya 2 və 3-cü uşaqları özünün xaç suyuna salacağını elan edəndən sonra doğum səviyyəsi artıb. Azərbaycanda 20 il əvvəl-2002-ci ildə ən az doğum səviyyəsi olub, cəmi 100.000 uşaq. Ermənistanda daha az, cəmi- 32.000 min, yəni 3-ün birə nisbəti olub. 1950-ci ildə fərq iki dəfə idi. Ekspertlərin fikrincə, Ermənistanda körpə bumu analıq kapitalının məbləğinin artması ilə əlaqəli olub. 3-cü uşaq üçün 2,5 min dollar, dördüncü və sonrakı uşaq üçün 4.000 min dollar ödənilir”, - deputat noyabrın 14-də Milli Məclisdə büdcə müzakirəsi zamanı deyib.

Deputat vurğulayıb ki, əhalinin demoqrafik dinamikasının düzgün statistik bazasının yaradılması vacibdir.

Dövlət Statistika Komitəsinin son hesabatına görə, Azərbaycanda 2022-ci il abort edilən uşaqların sayı 58 min olub. 15065 nikahdan 6920-si boşanıb və əhalinin hər 1000 nəfərinə düşən nikahların sayı azalaraq 5,6-dan 4,5-ə düşüb, boşanmaların sayı isə 1,5-dən 2,1-ə qədər artıb.

Gülnar Nazimqızı

www.anews.az

Bizi sosial şəbəkələrdə izləyin !