Aktyorumuz yanvar ayının 18-də Moskva şəhərində Mərkəzi Kino evinin böyük zalında baş tutmuş yubiley mərasimində xüsusi qonaq qismində iştirak edib. Kinorejissorun özbək şairi Niyazi Həmzəyə həsr etdiyi 17 seriyalı "Odlu yollarla” tarixi televiziya filmində çəkilən Tariyel Qasımov çıxışında film haqqında təəssüratlarını bölüşərək kinorejissora yeni yaşında daha böyük yaradıcılıq uğurları arzu edib.

 

Mərasimdə yubilyarın dostları, teatr və kino aktyorları, RF-in Xalq Artistləri İ.Kobzon, A.Konçalovski, V.Talızina, Q.Volçek, L.Prıqunov, Ş.İrqaşev, A.Xamrayev, İ.İşmuhammedova, Əməkdar Artistlər N.Varley, N.Arinbasarova, müğənni Aziza, N.Nurmuhammedova, Üç-kuduk musiqi qrupu və başqaları çıxışlar ediblər.

 

Məlumat üçün bildirək ki, yubiley mərasimi Rusiya Federasiyası Kinomatoqrafçılar İttifaqı, Kinomatoqrafçılar İttifaqının kino aktyorları gildiyası, İttifaqın Beynəlxalq şöbəsinin təşkilatçılığı ilə həyata keçirilib.