Həftənin ilk iş günü Azərbaycanda hava yağıntılı olacaq.
Ekologiya və Təbii Sərvətlər Nazirliyinin Milli Hidrometeorologiya Departamentindən Trend-ə bildiriblər ki, Bakı və Abşeron yarımadasında fevralın 24-də havanın dəyişkən buludlu olacağı, arabir tutulacağı, gecə və səhər bəzi yerlərdə çiskinli az yağıntılı olacağı gözlənilir.
Bakıda havanın temperaturu gecə 2-4° isti, gündüz 6-8° isti olacağı gözlənilir.
Azərbaycanın rayonlarında da fevralın 24-də gecə və səhər bəzi yerlərdə yağıntılı olacağı gözlənilir. Ayrı-ayrı yerlərdə duman olacağı ehtimalı vardır.
Aran rayonlarında havanın temperaturu gecə 0-5° isti, gündüz 7-12° isti olacağı gözlənilir. Dağlıq ərazilərdə qar yağacağı gözlənilir. Səhər dağlarda duman olacağı ehtimalı vardır.
Dağlarda gecə 2-7° şaxta, gündüz 2° şaxtadan 3°-dək isti olacağı gözlənilir.
Trend
