HƏMAS-ın Livandakı qərargah rəisi Fəth Şərif Əbu əl-Əmin İsrailin ölkənin cənubuna endirdiyi zərbələr nəticəsində həlak olub.
Bu barədə hərəkatın "Telegram” kanalında məlumat yayılıb.
Hücumun Tir şəhəri yaxınlığında fələstinli qaçqınlar üçün El-Bass düşərgəsində yerləşən Əbu əl-Əminin evinə edildiyi iddia edilir. Onunla birlikdə evdə həyat yoldaşı, oğlu və qızı da olub. Onların da həyatını itirdiyi bildirilib.
Bir gün əvvəl İsrail ordusunun sözçüsü Daniel Həcəri bildirib ki, ölkənin hava qüvvələri Livan boyu Hizbullah şiə hərəkatının 1300 hərbi obyektinə zərbələr endirib. Livanın Səhiyyə Nazirliyinin məlumatına görə, İsrailin reydləri nəticəsində 490-dan çox adam ölüb, 1600-dən çox insan yaralanıb.
Aytac
www.anews.az
Bizi sosial şəbəkələrdə izləyin !
