"Azərbaycan Televiziya və Radio Verilişləri” (AzTV) Qapalı Səhmdar Cəmiyyətinin (QSC) sabiq sədr müavini İbrahim Məmmədovun aparıcı olduğu verilişlər "Lider” televiziya kanalının keçmiş aparıcısı Rövşən Məmmədova həvalə edilib.
publika.az-ın verdiyi xəbərə görə, bundan sonra AzTV-nin efirində gedən "Günün nəbzi" və "Həftə” analitik proqramı Rövşən Məmmədovun təqdimatında yayımlanacaq. Artıq Rövşən Məmmədova AzTV-də yüksək vəzifə də verilib.
Xatırladaq ki, bu il sentyabrın 23-də Azərbaycan prezidenti İlham Əliyevin imzaladığı sərəncamla İbrahim Məmmədov AzTV-nin sədr müavini vəzifəsindən azad edilib.
Qeyd edək ki, Rövşən Məmmədov bundan əvvəl "ANS TV”, "Lider TV” və "İdman-Azərbaycan” telekanallarında çalışıb.
www.ann.az
Bizi sosial şəbəkələrdə izləyin !