2016-cı ilin ötən dövründə ticarət dövriyyəsinin həcmi 30% artıb.
Oxu.Az-a İqtisadiyyat Nazirliyindən verilən məlumata görə, bu sözləri iqtisadiyyat naziri Şahin Mustafayev İranın xarici işlər nazirinin müavini İbrahim Rəhimpur ilə görüşü zamanı bildirib.
"Hazırda kənd təsərrüfatı, turizm, bankçılıq, nəqliyyat və s. sahələrdə əlaqələrin genişləndirilməsi istiqamətində müvafiq işlər görülür.
Ölkələrimiz arasında əməkdaşlığın vacib istiqamətlərindən olan nəqliyyat dəhlizlərinin, o cümlədən Şimal-Cənub dəhlizinin inkişaf etdirilməsi əlaqələrimizin genişlənməsinə öz töhfəsini verəcək”, - deyə nazir əlavə edib.
Öz növbəsində, İ.Rəhimpur ölkəsinin Azərbaycanla əlaqələrinin yüksək səviyyədə olduğunu, İranın Azərbaycanla müxtəlif sahələrdə, o cümlədən iqtisadi sahədə əlaqələrinin genişləndirilməsində maraqlı olduğunu vurğulayıb.
www.ann.az
Bizi sosial şəbəkələrdə izləyin !
