ANS PRESS-in məlumatına görə, yeni görüntülərdə İŞİD üzvlərinin oğurluq etmiş bir gəncin sağ əlini kəsdiyi əks olunub. 

İŞİD tərəfindən internetə yüklənən və Fərat çayı kənarında bir bölgədə çəkildiyi güman edilən görüntülərdə bir din adamı görünür. Həmin din adamı oğurluq etdiyi iddia edilən gəncin cəzasını və edam qərarını açıqlayır. 

Daha sonra gözləri bağlı gəncin sağ əli kağız kəsmə aparatına yerləşdirilir. İŞİD-çilərdən biri edamı izləyən yüzlərlə uşaq və gəncin gözləri qarşısında oğrunun əlini bədənindən ayırır.

Gənc oğlanın qolundan axan qan dayandırılır. Daha sonra tibbi müdaxilə edilərək oğrunun kəsik əli sarğıya alınır. Edam zamanı oğrunun sakit dayanması üçün ona sakitləşdirici maddələr verilib.