Jurnalist Nərgiz Absalamovanın şikayəti təmin edilməyib

16:59 | 09.02.2024
Jurnalist Nərgiz Absalamovanın şikayəti təmin edilməyib

Jurnalist Nərgiz Absalamovanın şikayəti təmin edilməyib

Bakının Sabunçu Rayon Məhkəməsi jurnalist Nərgiz Absalamovanın vəkilinə zəng etməsinə qoyulan qadağa ilə bağlı  şikayətini təmin etməyib. Bu barədə onun vəkili Şəhla Hümbətova məlumat verib. 

Absalamovanın vəkili Şəhla Hümbətovanın sözlərinə görə, istintaq orqanı jurnalistə  ailəsi ilə görüş və təmaslara qadağa qoyub. Onun vəkili ilə görüşməsinə qadağanı isə istintaq təcridxanasının rəhbərliyi tətbiq edib. 
 
Absalamova bugünkü məhkəmə iclasında iştirak etməyib.
 
Absalamova "Abzas Media” internet nəşrinin pul qaçaqmalçılığı ittihamı ilə həbs edilən 6 jurnalistindən biridir.
 
Bundan əvvəl, qurumun direktoru Ülvi Həsənli, direktor müavini Məhəmməd Kekelov və baş redaktoru Sevinc Vaqifqızı eyni cinayət maddəsi ilə həbs olunublar. 
 
Noyabrın 21-də Bakının Xətai Rayon Məhkəməsində AbzasMedia-nın redaktoru Sevinc Vaqıfqızı haqqında 3 ay 29 gün, medianın təsisçisi Ülvi Həsənli barəsində isə 4 ay müddətinə həbs qətimkan tədbiri seçilib.
 
Bundan əvvəl ABŞ Dövlət departamenti "Abzas Media"nın jurnalistlərinin həbsinə münasibət olaraq Azərbaycan hökumətini ölkədə hüquq və azadlıqlara hörmət etməyə çağırıb. 
 
AbzasMedia 2014-cü ildən fəaliyyət göstərir. 
 
Aytac Zeynalova

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb