2015-ci il aprelin 1-nə olan statistikaya əsasən, ölkəmizdə dövlət qulluqçusu kimi pensiya alanların sayı 13 863 nəfər təşkil edir.
Oxu.Az xəbər verir ki, bu sözləri Dövlət Sosial Müdafiə Fondunun (DSMF) şöbə müdiri Famil Qədimov Şəmkirdə keçirilən regional "Açıq qapı günü”-vətəndaş forumunda bildirib.
Şöbə müdiri bildirib ki, onların 60,89 %- yaşa görə, 26,42 %-i əlilliyə görə, 12,69 %-i isə ailə başçısını itirməyə görə əmək pensiyası alır. Dövlət qulluqçusu kimi pensiya alanların 69,7 %-i kişilər, 30,3 %-i isə qadınlardır.
"Hazırda dövlət qulluqçularının orta aylıq pensiya məbləği 474,1 manatdır. Bu qəbildən olan pensiyaçılar ölkə üzrə pensiyaçıların 1,1 %-i təşkil edir”-deyə, o qeyd edib.
Qeyd edək ki, Şəmkirdə keçirilən vətəndaş formunda Şəmkir, Tovuz, Gədəbəy, Ağstafa və Qazax rayonlarından olan sosial sığorta ödəyiciləri və pensiyaçılar iştirak edib.
www.ann.az
Bizi sosial şəbəkələrdə izləyin !