Dünən Həsən Əliyev 25 ünvanında gedən əsaslı təmir işləri ilə əlaqədar səkiyə çıxan dolu yük maşınının səkinin çökməsinə səbəb olduğu və qəza yarandığı haqda xəbər vermişdik.
“Aztelekom” İB-dən “Qafqazinfo”ya daxil olan məlumata görə, hadisənin baş verdiyi ərazidən “Aztelekom” İB-nin, Bakı Telefon Rabitəsi İstehsalat Birliyinin və özəl rabitə şirkətlərinin internet kabel xətləri keçir.
“Aztelekom” İB-nin texniki direktoru Zahir Vəliyev ərazidən birliyə aid yalnız bir kabel xəttinin keçdiyini bildirib: “Operativ briqada dəstələri hadisə yerinə baxış keçirib. Kabel kanalizasiya quyusu Bakı Telefon Rabitəsi İstehsalat Birliyinə məxsusdur. “Aztelekom” İB-nin kabel xətləri zədələnməyib. Ərazi nəzarətdədir”.
ANN.Az
Bizi sosial şəbəkələrdə izləyin !
