Qeyd olunur ki, söhbət paralel idxal vasitəsilə Rusiyaya gedən mallardan gedir. Satıcılar üçün bu addım gözlənilməz olub və onlar təcili olaraq sanksiyaya məruz qalan malların tranzitinin başqa variantlarını axtarırlar.
"Optimaloq” şirkətinin baş direktoru Georgi Vlastopulo təsdiqləyib ki, Türkiyə gömrük sistemi qeyri-türk mənşəli malların tranzit rəsmiləşdirilməsini bloklayır.
Transasia Logistics-in kommersiya direktoru Valeriya Savenkova qeyd edib ki, tranzitin dayandırılması ilə bağlı məlumatın rəsmi təsdiqini gözləməyə dəyməz. Belə olan halda Türkiyə Rusiyaya sanksiya tətbiq edilən məhsulların tədarükü ilə məşğul olduğunu etiraf etməli olacaq.
Martın 3-də Bloomberg yazıb ki, ABŞ Çin, Türkiyə və Özbəkistana mal göndərən şirkətlərini anti-Rusiya sanksiyalarından yan keçmələri ilə hədələyib.
ABŞ bizneslərə xəbərdarlıq edib ki, Rusiyaya Qərbin sanksiyalarından yayınmağa kömək edə biləcək sövdələşmələrə diqqət yetirsinlər - xüsusən də Çin, Türkiyə və bir neçə başqa ölkəni əhatə edirsə.
Martın 4-də Bloomberg yüksək rütbəli avropalı diplomata istinadən Rusiya idxalının həcminin 2020-ci il səviyyəsinə qayıtdığını bildirib.
Gülnar
www.anews.az
Bizi sosial şəbəkələrdə izləyin !
