"Kəpənək kimi uçaram, arı kimi sancaram" - Məhəmməd Əlinin ən populyar sözüdür bu. İdman həyatı boyunca həm özünü aparmaq qaydalarına görə, həm də söylədikləri aforizmlərlə diqqət çəkən əfsanəvi boksçunun xatırlanası daha çox fikirləri var.Məhəmməd Əli şəxsi həyatı və siyasi baxışları ilə diqqət mərkəzində olan idmançılardandır. İdmançı cüsəsi, qadınlara münasibəti, döyüş metodu, dini seçimi və boks yarışlarında birinciliklər göstərməklə daim göz önündə olub. Bu gün o, xəstəliyinin şüddətlənməsi səbəbilə nitq qabiliyyətini itirmiş vəziyyətdədir. Amma sağlam olduğu zamanlarda elə fikirlər, elə aforizmlər söyləyib ki, onları qulaqlarda sırğa etməmək mümkün deyil.ANN.Az Məhəmməd Əliyə məxsus olan 15 aforizmi təqdim edir:1. Risk alacaq qədər cəsur olmayanlar həyatda heç bir şey qazana bilməzlər.2. Dostluq məktəbdə öyrədilən bir şey deyil. Əgər dostluğun anlamını öyrənməmisinizsə, deməli, bu həyatda heç nə bilmirsiniz.3. Nə etdiyimi, necə edəcəyimi yaxşı bilirəm, kimsənin dilədiyi kimi hərəkət etmək məcburiyyətində deyiləm. İstədiyim kimi olmaqda azadam.4. İslam - sülh deməkdir. Müsəlman isə Allaha təslim olmuş şəxs. Fəqət media bizi düşmən kimi göstərməyə çalışır5. Əgər məni məğlub edəcəyini xəyal edən varsa, özünə gəlsin və üzr istəsin.6. Xəyal etməyi bacarmayan qanadsız quş kimidir.7. Ən böyük zəifliyim nə qədər möhtəşəm olmağımın fəqrində olmamağımdır.8. Dağa dırmanmağınıza mane olan şey qaya parçası deyil, ayaqqabınızın içindəki xırda daş parçasıdır.9. Bir döyüşü məşqdən əvvəl, məşq zamanı və ya məşq sonrasında deyil, hələ yorğanmın altında rəqs etməyə başlamazdan çox əvvəl qazanmış ya da itirmiş oluram.10. Birinə dəstək olmaq bu dünyada işğal etdiyimiz bir ərazinin kirayə haqqıdır.11. Sadəcə birinə yaxşı cavab verə bilmədiyimiz halda "Susmaq qızıldır".12. Özünə güvənməmək aşılması vacib olan ən böyük əngəldir. Mənim isə özümə inamım tamdır.13. Heç məğlub olacağımı düşünməzdim, amma oldu. Belə halda ən yaxşısı bu məğlubiyyəti qəbul etmək. Mənə inananlar qarşısında vəzifəm də elə budur. Çünki vaxt gələcək, hamımız bir məğlubiyyətlə üzləşmək məcburiyyətində qalacağıq.14. Əgər insanlar bir-birilərini məni sevdikləri qədər sevsəydi, dünya daha gözəl olardı.15. Mən ən yaxşısı deyiləm, yaxşıların yaxşısıyam. Rəqiblərimi sadəcə məğlub etməklə razılaşmıram, həm də onları hansı raundda məğlub edəcəyimi belə müəyyən edirəm.Hazırladı NurayANN.Az